Bakı. Trend:
İraqın şimalında Zap rayonunda əldəqayırma partlayıcı qurğunun partlaması nəticəsində 3 türk hərbçisi həlak olub, daha 3 nəfər yaralanıb.
Trend-in Türkiyə mətbuatına istinadən verdiyi məlumata görə, bu haqda Türkiyə Baş Qərargahı xəbər verib.
Məlumata görə, partlayış Türkiyədə qadağan olunan PKK-nın üzvləri tərəfindən törədilib. Yaralı hərbçilərdən birinin vəziyyəti ağır kimi qiymətləndirilir.
Baş Qərargahının məlumatına əsasən, hadisədən sonra hava əməliyyatları nəticəsində 8 terrorçu məhv edilib.