Bakı. Trend:
ABŞ-ın Kaliforniya ştatının cənubunda sürüşmə və daşqın qurbanlarının sayı 18 nəfərə çatıb.
Trend-in verdiyi xəbərə görə, bu barədə Santa-Barbara dairəsinin şerifi Bill Braunun yaydığı məlumatda bildirilir.
Xatırladaq ki, təbii fəlakət nəticəsində daha 30 nəfər xəsarət alıb.
Rəsmilərin hesablamalarına görə, 60-a yaxın ev dağılıb, 450-yə yaxın tikiliyə ziyan dəyib. Bazar ertəsi günündən başlayaraq ştatın bir neçə bölgəsində sakinlər təxliyyə edilib. Onlardan bəziləri evlərini tərk etməkdən imtina edib.