Bakı. Rufiz Hafizoğlu - Trend:
Türkiyənin Silahlı Qüvvələri Afrinə daxil olmağa cəhd edən qruplaşmaların qarşısını alıb.
Trend-in verdiyi məlumata görə, bu barədə Türkiyə prezidenti Rəcəb Tayip Ərdoğan bəyan edib.
Dövlət başçısının sözlərinə görə, fevralın 20-də içərisində Suriya hökümətinin tərəfdarları olan 10-na yaxın avtomobil Afrin ərazisinə daxil olmağa cəhd edib.
Türkiyə hərbçiləri xəbərdarlıq atəşi açdıqdan sonra onlar bölgəni tərk etməyə məcbur olub.
"Türkiyə Afrində terrorçulara qarşı mübarizəni davam etdirməkdə israrlıdır", - deyə Ərdoğan vurğulayıb.
Xatırladaq ki, yanvarın 20-də Türkiyə Silahlı Qüvvələri Suriyanın Afrin bölgəsində PYD və YPG terrorçularına qarşı əməliyyata başlayıb. "Zeytun budağı" adı altında keçirilən əməliyyatlara Türkiyə Hərbi Hava Qüvvələrinin "F-16" təyyarələri də cəlb olunub.