Bakı. Trend:
Rusiyanın Kemerovo şəhərində "Zimnyaya vişnya" ("Qış albalısı") ticarət mərkəzində baş verən yanğın nəticəsində xəsarət alanların sayı 47-yə çatıb.
Trend-in "TASS"a istinadən verdiyi məlumata görə, daha əvvəl 20 nəfərin xəsarət aldığı bildirilirdi.
Qeyd edək ki, Rusiyanın Kemerovo şəhərində "Zimnyaya vişnya" ("Qış albalısı") ticarət mərkəzində yanğın baş verib. Yanğın nəticəsində 12-si uşaq olmaqla 37 nəfər həlak olub, 64 nəfər itkin düşüb. İtkin düşənlər arasında azı 41 uşaq var.