Bakı. Trend:
Qazaxıstanın paytaxtı Astanada orta məktəblərin birində yanğın baş verib.
Trend-in məlumatına görə, hadisə nəticəsində böyük əksəriyyəti şagirdlər olmaqla 2000-ə yaxın şəxs təxliyə olunub.
Qeyd olunur ki, yanğın naməlum səbəblərdən məktəbin məişət bölməsində başlayıb. Nəticədə böyük sayda mebel və fərdi əşyalar zərər çəkib.
Yanğının qarşısı bir saat ərzində alınıb.