Bakı. Trend:
Pentaqonun rəhbəri Ceyms Mettis iyulun 11-12-si Brüsseldə keçiriləcək NATO-nun sammitində iştirak edəcək.
Trend-in məlumatına görə, bu barədə ABŞ müdafiə nazirliyinin mətbuat-xidmətindən bildiriblər.
Ceyms Mettis NATO-nun sammitindən sonra ABŞ-ın cənub-şərq Avropaya dəstəyini vurğulamaq üçün Xorvatiyanın Zaqreb şəhərində Amerika-Adriatik xartiyasının müdafiə nazirləri ilə görüşəcək.
Bundan sonra, C.Mettis Norveçin Oslo şəhərində ölkənin müdafiə naziri Frank Bakke-Ensen və xarici işlər naziri İn Eriksen Söreyde ilə görüşəcək.
ABŞ müdafiə nazirinin Avropaya səfəri iyulun 10-u başlayacaq.