Bakı. Trend:
Meksikanın Duranqo ştatında baş verən təyyarə qəzasında ölən olmayıb.
Trend-in məlumatına görə, bunu ştatın qubernatoru Xose Rosas Aispuro özünün "Tvitter" hesabında yazıb.
"Təstiqlənir ki, AM2431 reysinin qəzaya uğraması nəticəsində heç kim ölməyib", - deyə Aispuro yazıb.
Bununla belə, qeyd olunur ki, təyarədə olan 101 nəfərdən 85-i xəsarətlər alıb. Bu məlumatı regionun mülki müdafiə idarəsinin nümayəndəsi Alexandro Kardoso təsdiqləyib.
02:48
Meksikada "Aeromexico" aviaşirkətinin sərnişin təyyarəsi qəzaya uğrayıb.
Trend-in "Associated Press" agentliyinə istinadən verdiyi məlumata əsasən, hadisə ölkənin Duranqo ştatında baş verib. Təyyarənin göyərtəsində 101 nəfərin olduğu bildirilir.
Ştatın mülki müdafiə xidməti bildirir ki, qəza Duranqo şəhərinin aeroportu yaxınlığında baş verib.