Bakı. Orxan Nəbiyev - Trend:
İtaliyanın Bolonya şəhərində yanacaq daşıyan maşının qəzaya uğraması nəticəsində baş verən partlayışda xəsarət alanların sayı 67-ə çatıb.
Trend-in məlumatına görə, iki nəfərin ölümü ilə bağlı yayılmış xəbər təsdiqini tapmayıb.
Qeyd edək ki, hadisə Bolonya aeroportunun yaxınlığında baş verib. Partlayışın aeroportun işinə təsir etmədiyi bildirilir.
X X X
17:39
İtaliyanın Bolonya şəhərində yanacaq daşıyan maşının qəzaya uğraması nəticəsində partlayış baş verib.
Trend-in məlumatına görə, hadisə nəticəsində azı 20 nəfər xəsarət alıb.
Qeyd olunur ki, avtosistern digər avtomobillə toqquşduqdan sonra aşıb və yanmağa başlayıb.