Bakı. Trend:
Rusiyanın Kaluqa vilayətində uşaqları daşıyan avtobus qəzaya uğrayıb.
Trend-in "RİA Novosti"yə istinadən verdiyi məlumata görə, avtobusun aşması nəticəsində 4-ü uşaq olmaqla 7 nəfər həlak olub, 33 nəfər isə xəsarət alıb.
Xəsarət alanlar müxtəlif xəstəxanalara yerləşdirilib. Onlardan 27-nin uşaq olduğu bildirilir.
Qeyd edilir ki, avtobusda olan uşaqlar yarışmada çıxış etmək üçün filarmoniyaya gedirmiş.