...

Los-Ancelesdə son 50 ildə ilk dəfə qar gözlənilir

Dünya xəbərləri Materials 22 Fevral 2019 07:15 (UTC +04:00)
ABŞ-ın Los-Anceles (Kaliforniya ştatı) şəhərində son 50 ildə ilk dəfə qar yağacağı gözlənilir
Los-Ancelesdə son 50 ildə ilk dəfə qar gözlənilir

Bakı. Trend:

ABŞ-ın Los-Anceles (Kaliforniya ştatı) şəhərində son 50 ildə ilk dəfə qar yağacağı gözlənilir.

Trend-in "LA Times" qəzetinə istinadən verdiyi məlumata görə, bu barədə Milli Metereologiya Xidmətinin əməkdaşı Devid Suit bildirib.

Onun sözlərinə görə, şəhərə Kanadanın Alberta əyalətində meydana gəlmiş soyuq atmosfer cəbhəsi yaxınlaşır: "Bu, bəlkə də, mənim Kaliforniyada gördüyüm ən soyuq atmosfer cəbhəsidir. Əvvəl bizdə səhərlər temperaturun aşağı düşməsi və yüngül şaxta qeydə alınırdı. Lakin mən bizim bu dərəcədə soyuq atmosfer cəbhəsi gördüyümüzü xatırlamıram".

Proqnozlara əsasən, San-Qabriel dağlarında miqdarı 152 mm-dək qar yağa bilər, Los-Anceles dairəsindən kənarda isə qar Hollivud-Hills rayonunda yağa bilər.

Qeyd edək ki, son dəfə güclü qar Los-Ancelesdə 1962-ci ilin yanvar ayında qeydə alınıb.

Xəbər lenti

Xəbər lenti