Bakı. Trend:
Perunun Geofizika İnstitutu Ubinas vulkanının kraterində partlayış qeydə alıb.
Trend-in məlumatına görə, bu barədə İnstitutun "Twitter" səhifəsində məlumat yayılıb.
İnstitutdan verilən məlumata görə, partlayış nəticəsində cənub və cənub-şərq istiqamətlərində 1,3 km hündürlüyündə kül sütunu atılıb.
Qeyd edilir ki, yeni partlayışların baş verməsi və külün atılması istisna edilmir.
Ubinas vulkanının kraterində sonuncu dəfə partlayış bu ilin 22 iyulunda qeydə alınıb.