Bakı. Elnur Bağışov - Trend:
İranın bir neçə vilayətində hava çirkliliyi səbəbi ilə məktəblərin fəaliyyəti dayandırılıb.
Trend-in məlumatına görə, hava çirkliliyi səbəbi ilə İranın Tehran vilayətinin Dəmavənd və Firuzkuh rayonları istisna olmaqla bütün məktəbləri 26 dekabra qədər fəaliyyətini dayandırıb.
İranın Şərqi Azərbaycan, Qərbi Azərbaycan, İsfahan, Mərkəzi, Çahar-Mahal və Bəxtiyari, Əlborz, Xuzistan və digər vilayətlərində bir çox məktəblər və bir sıra universitetlər hava çirkliliyinə görə fəaliyyətini dayandırıb.
Ölkənin Səhiyyə Nazirliyi bütün vətəndaşlara, xüsusilə də ürək-damar xəstələrinə, yaşlılara, hamilə qadınlara və uşaqlara uzun müddətə mənzildən çıxmamağı məsləhət görüb.
İranın böyük və sənaye şəhərlərində havanın keyfiyyət indeksi ilə orta hesabla çirkliliyin 150 mikrondan yuxarı olduğu bildirilir.