Bakı. Trend:
Nepalda güclü yağışlar nəticəsində daşqınlar və torpaq sürüşmələri baş verib.
Trend-in "TASS"a istinadən verdiyi məlumata görə, təbii fəlakət nəticəsində ən az 8 nəfər həlak olub.
"Cəsədlərin üçü torpaq sürüşməsi dağıdan evlərin altından şənbə günü tapılıb, qalanları isə bazar günü", - yerli polis idarəsinin rəhbərinin müavini bildirib.
Hazırda polis müvafiq təşkilatlarla birlikdə axtarış-xilasetmə işləri aparır. Yağışların kəsilməsi xilasetmə əməliyyatların aparılmasını tezləşdirməyə imkan yaradıb.