Bakı. Trend:
Türkiyənin milli müdafiə naziri Hulusi Akar Ankarada Qətərin müdafiə naziri Xalid bin Məhəmməd əl-Atiyyəni qəbul edib.
Trend-in Türkiyə KİV-lərinə istinadən verdiyi məlumata görə, görüş zamanı tərəflər müdafiə və təhlükəsizlik sahələrində əməkdaşlığı müzakirə ediblər.
H.Akar qeyd edib ki, Ankara və Doha bir sıra strateji sahələrdə tərəfdaşlıqlarını davam etdirirlər.
Xatırladaq ki, ötən həftə Hulusi Akar Qətərə səfər edib. Səfər zamanı Türkiyənin milli müdafiə naziri Qətərin əmiri Şeyx Tamim bin Hamad əl-Tani ilə görüşüb.