Bakı. Orxan Nəbiyev - Trend:
Moldovanın yeni seçilmiş prezidenti Maya Sandu baş nazir İon Kikunun rəhbərlik etdiyi hökumətin gələn il üçün dövlət büdcəsi təsdiq olunduqdan sonra istefaya getməli olduğunu bəyan edib.
Trend-in məlumatına görə, prezident bildirib ki, hazırkı hökumət sabiq prezident İqor Dodonun formalaşdırdığı hökumətdir və seçkilərdə məğlub olduğu üçün istefa verməlidir.
Qeyd edək ki, Maya Sandu noyabrın 15-də keçirilmiş prezident seçkilərinin ikinci turunda 57,7 faiz səs toplayaraq Moldovanın ilk qadın prezidenti seçilib.