Bakı. Trend:
Fransanın paytaxtı Parisdə "Qlobal təhlükəsizlik haqqında" qanunun qəbul edilməsinə qarşı etiraz aksiyası zamanı etirazçılar və polislər arasında toqquşmalar baş verib.
Trend-in "TASS"a istinadən verdiyi məlumata görə, toqquşmalar nəticəsində 8 polis əməkdaşı xəsarət alıb, 64 etirazçı polislər tərəfindən saxlanılıb.
Məlumata əsasən, Fransanın bütün şəhərləri üzrə etirazlarda 52 350 nəfər iştirak edib, o cümlədən 5 min nəfər Parisdə.