Bakı. Trend:
Myanma hərbçiləri bu gün 23 000-dən çox məhbusun əfv edilməsini açıqlayıb.
Trend-in məlumatına görə, bu barədə "Reuters" agentliyi ölkənin silahlı qüvvələrinin baş komandanı general Min Aun Hlainin açıqlamasına istinadən bildirib.
Qeyd edilib ki, məhkumların əfv edilməsi qərarı ölkənin "məhkumları layiqli vətəndaşa çevirmək və cəmiyyəti qane etmək üçün sülh, inkişaf və nizam-intizam yolu ilə yeni bir demokratik dövlət qurulması" fonunda verilib.
Əfv qərarının 55 nəfər əcnəbi daxil olmaqla 23 314 məhkuma şamil ediləcəyi bildirilib.