...

Ötən həftə dünyada koronavirusa yoluxma sayı 12 faiz azalıb - ÜST

Dünya xəbərləri Materials 19 May 2021 09:29 (UTC +04:00)
Ötən həftə dünyada koronavirusa yoluxma sayı 12 faiz azalıb - ÜST

Trend-i buradan izləyin

Bakı. Trend:

Ötən həftə ərzində dünyada koronavirusa 4,8 milyondan artıq yoluxma, 85 mindən artıq isə ölüm halı qeydə alınıb.

Trend-in məlumatına görə, bu barədə Ümumdünya Səhiyyə Təşkilatının (ÜST) həftəlik bülletenində deyilir.

Məlumata əsasən, daha öncəki həftə ilə müqayisədə yoluxma hallarının sayı 12 faiz, ölüm hallarının sayı isə 5 faiz azalıb:

"Qlobal planda son bir həftə ərzində koronavirusa yoluxma və koronavirusdan ölüm hallarının sayı azalmağa davam edib: ümumilikdə 4,8 milyondan artıq yoluxma, 86 minə yaxın isə ölüm halı qeydə alınıb, bu isə daha öncəki həftə ilə müqayisədə müvafiq olaraq 12 və 5 faiz daha azdır".

Mayın 10-dan 16-dək koronavirusa 4 809 520 nəfər yoluxub, 85 975 nəfər isə koronavirusdan ölüb. Mayın 16-sı üçün dünyada koronavirusa yoluxma hallarının sayı 162 184 263, koronavirusdan ölüm hallarının sayı isə 3 364 446 nəfər təşkil edib

Məqalədə:
Xəbər lenti

Xəbər lenti