Bakı. Orxan Nəbiyev - Trend:
Roma Papası I Fransisk ABŞ prezidenti Co Baydeni qəbul edib.
Trend-in məlumatına görə, Vatikanın Apostol sarayında keçirilən görüş rəsmi protokolda nəzərdə tutulduğundan daha çox - 90 dəqiqəyə yaxın davam edib.
Görüş zamanı müzakirə olunan məsələlər barədə mətbuata məlumat verilməyib.
Qeyd olunur ki, C.Bayden Vatikana səfər etmiş 14-cü ABŞ prezidenti olub.
Bundan əvvəl I Fransiskin Donald Trampla görüşü 30 dəqiqə, Barak Obama ilə görüşü 50 dəqiqə davam etmişdi.