Bakı. Orxan Nəbiyev - Trend:
Almaniya bundestaqında keçirilmiş səsvermə nəticəsində Sosial-demokrat partiyasının sədri Olaf Şolts ölkənin yeni kansleri seçilib.
Trend-in məlumatına görə, onun lehinə 395 nəfər, əleyhinə 303 deputat səs verib.
Gün ərzində O.Şolts Almaniya prezidenti ilə görüşdükdən sonra and içəcək və vəzifələrinin icrasına başlayacaq.
Qeyd edək ki, o, bu vəzifədə Angela Merkeli əvəz edəcək.