...

Putin ehtiyatda olan Rusiya vətəndaşlarının hərbi toplanışa çağırılması barədə fərman imzalayıb

Dünya xəbərləri Materials 19 Fevral 2022 00:46 (UTC +04:00)

Bakı. Trend:

Rusiya Prezidenti Vladimir Putin ehtiyatda olan Rusiya vətəndaşlarının 2022-ci ildə hərbi toplanışa çağırılması haqqında fərman imzalayıb.

Trend-in məlumatına görə, müvafiq sənəd hüquqi informasiyanın rəsmi internet portalında dərc olunub.

"2022-ci ildə ehtiyatda olan Rusiya vətəndaşları Rusiya Silahlı Qüvvələrində, dövlət təhlükəsizlik orqanlarında və federal təhlükəsizlik xidməti orqanlarında hərbi toplanışa çağırılsın", - deyə fərmanda bildirilir.

Rusiya Federasiyası hökumətinə və regionların hakimiyyət orqanlarına vətəndaşların hərbi toplanışa çağırılması və bu toplanışların keçirilməsi ilə bağlı tədbirlərin həyata keçirilməsini təmin etmək tapşırılıb.

Fərman dərc edildiyi gündən qüvvəyə minir.

Məqalədə:
Xəbər lenti

Xəbər lenti