Bakı. Trend:
Rusiyanın İrkutsk şəhərinin hava limanında eniş zamanı An-24 təyyarəsinin şassisi yanıb.
Trend-in məlumatına görə, bu barədə Şərqi Sibir Nəqliyyat Prokurorluğu bildirib.
Qeyd olunur ki, insident zamanı təyyarədə 38 sərnişin olub. Sərnişin və heyət üzvləri arasında xəsart alanların olmadığı deyilir.
Məlumata əsasən, təyyarə eniş edərkən şassi ilişib və sürətli sürtünmə nəticəsində təkərlər yanmağa başlayıb.
Təyyarəni təhlükəsiz şəkildə endirmək mümkün olub.