Bakı. Trend:
İspaniya Bazar və Rəqabət üzrə Milli Komissiyası rəqabət əleyhinə fəaliyyətdə şübhəli bilinən bir neçə enerji şirkətinə qarşı araşdırmaya başlayıb.
Trend TASS-a istinadən xəbər verir ki, bu barədə tənzimləyicinin yaydığı press-relizdə deyilir.
Məlumata görə, qurum rəqabət əleyhinə fəaliyyətə görə İspaniyanın enerji sektorundakı müxtəlif operatorlar haqqında araşdırmaya başlayıb. Belə ki, müxtəlif şikayətlər daxil olduqdan sonra noyabrın 28-dən dekabrın 2-dək bir neçə şirkətin baş ofisində yoxlamalar aparılıb.
Bazar və Rəqabət üzrə Milli Komissiya hansı şirkətlərdən söhbət getdiyini açıqlamayıb.
"El Confidential" qəzeti yoxlamaların "Repsol", "Cepsa" və "BP" şirkətlərində aparıldığını yazıb.