Bakı. Trend:
"Apple" şirkəti korporativ pərakəndə satış departamentinin işçilərinin sayını azaldacaq.
Trend xəbər verir ki, bu barədə mənbələrə istinadən "Bloomberg" agentliyi məlumat yayıb.
Bildirilir ki, şirkət belə bir addımı işdən çıxarma yox, işi optimallaşdırmaq cəhdi adlandırır. İxtisara məruz qalan işçilərin sayı dəqiqləşdirilməyib, lakin az olacağı gözlənilir.
Agentlik bildirir ki, "Apple"ın Kaliforniya ştatının Kupertino şəhərindəki baş ofisi iş yerlərinin sayının azaldılması ilə bağlı şərh verməkdən imtina edib.