Bakı. Trend:
Tunisin Cerba adasındakı Qriba sinaqoqunun qarşısında baş verən atışma nəticəsində 4 nəfər ölüb, 6 nəfər yaralanıb.
Trend-in məlumatına görə, bu barədə yerli KİV-lər ölkənin Daxili İşlər Nazirliyinə istinadən bildiriblər.
"Tunisdə yəhudilərin ziyarətgahı yaxınlığında törədilən hücumda 4 nəfər ölüb", - deyə nəşrlər xəbər verib.
Polisin verdiyi məlumatına əsasə, Aqir-Cerbada Hərbi Dəniz Milli Qvardiyasının üzvü həmkarını öldürüb, sonra isə Qriba sinaqoquna gedərək oradaki təhlükəsizlik qüvvələrinə atəş açıb. Atəş açan şəxs cavab atəşi ilə zərərsizləşdirilib.