Bakı. Trend:
Yunanıstanın mərkəz hissəsində yağan leysan yağışlar daşqınlara səbəb olub.
Trend bu barədə xarici mediaya istinadən xəbər verir.
Məlumata görə, təbii fəlakət nəticəsində Yunanıstanın Volos şəhəri və yaxınlıqdakı bir sıra yaşayış məntəqələri zərər çəkib, yüzlərlə ev, o cümlədən yollar su altında qalıb.
Daşqın nəticəsində bir nəfərin həlak olduğu, daha bir nəfərin isə itkin düşdüyü deyilir.
Qeyd edək ki,Yunanıstanda təhlükəli hava şəraiti ilə bağlı əhaliyə xəbərdarlıq olunub, şəhər küçələrində avtomobillərin hərəkəti qadağan olunub.