Bakı. Trend:
Meksikada turistləri daşıyan avtobus uçuruma aşıb.
Trend yerli KİV-ə istinadən xəbər verir ki, avtobus San Luis Potosi-Guadalajara magistral yolunda uçuruma düşüb.
Hadisə zamanı 10 turist həyatını itirib, daha 18 nəfər xəsarət alıb. Onlardan bəzilərinin vəziyyəti ağırdır.
Hadisə yerinə çoxlu sayda təcili yardım və xilasedicilər cəlb olunub, yaralılar ətrafdakı xəstəxanalara aparılıb.
Qeyd edilir ki, qəza ilə bağlı araşdırmalara başlanılıb.