Bakı. Trend:
ABŞ Hizbullahın İsrailə qarşı əməliyyatları davam etdirəcəyi təqdirdə İranı bombalayacağı barədə xəbərdarlıq edib.
Trend xəbər verir ki, bunu Hizbullah lideri Həsən Nəsrullah deyib.
“Bizim müqavimətimizi təhdid etməyə necə cürət edirsiniz? Aralıq dənizindəki gəmiləriniz bizi qorxutmur. Əmin ola bilərsiniz ki, biz onları hədəfə ala bilərik”, - deyə o bildirib.
Xatırladaq ki, Pentaqon İranın proksi qüvvələrinin Amerika bazalarına qarşı hücumlarından sonra ABŞ Prezidenti Co Bayden ölkəsinin bölgədəki qüvvələrinə hücumların davam edəcəyi halda İrana ağır zərbələr endiriləcəyi barədə xəbərdarlıq edib.