Bakı. Trend:
Ermənistanın baş naziri Nikol Paşinyan xarici işlər nazirinin müavini Vahe Gevorqyanı istefaya göndərib.
Trend xəbər verir ki, bu barədə məlumat Ermənistanın elektron hökumət saytında dərc olunub.
Vahe Gevorqyan 7 sentyabr 2021-ci il tarixindən Ermənistanın xarici işlər nazirinin müavini vəzifəsində çalışıb. Ondan əvvəl isə Gevorqyan xarici işlər nazirinin müşaviri olub.
Qeyd edək ki, son zamanlarda erməni KİV-i Paşinyanın hökumətdə təmizləmə siyasəti apardığını yazır. Bildirilir ki, baş nazir hakim "Vətəndaş Müqaviləsi" partiyasının üzvü olmayan bütün dövlət məmurlarını vəzifədən məhrum edəcək.