Bakı. Trend:
Qəzza zolağında "HƏMAS" üzərində qələbə əlçatandır.
Trend-in məlumatına görə, bu barədə İsrailin baş naziri Benyamin Netanyahu deyib.
"Biz tam qələbəyə doğru gedirik. Qələbə əlçatandır", - deyə o bildirib.
B.Netanyahu qeyd edib ki, bu, bir neçə il deyil, “aylar məsələsidir”.
Onun sözlərinə görə, İsrail Müdafiə Ordusunun (ÇAXAL) HƏMAS-a qarşı hücumda əldə etdiyi uğur misilsizdir.