Bakı. Trend:
Türkiyənin Bursa şəhərində Qətər və İndoneziyadan olan turistləri daşıyan tur avtobusu qəzaya uğrayıb, 10 turist yaralanıb.
Trend xəbər verir ki, bu barədə Türkiyə KİV-i məlumat yayıb.
Məlumata görə, hadisəyə yağışlı hava səbəb olub. Belə ki, Bursadan İstanbula gedən avtobus yoldan çıxaraq elektrik dirəyinə çırpılıb.
Qəza nəticəsində 10 turist yaralanıb, 1 nəfərin vəziyyəti ağırdır.
Hadisə ilə bağlı istintaq başladılıb.