Bakı. Trend:
ABŞ Müdafiə Nazirliyi Almaniya və Kanadaya "P-8A Poseidon" dəniz patrul təyyarələrinin tədarükü üçün "Boeing" şirkəti ilə 3,4 milyard dollarlıq müqavilə imzalayıb.
Trend-in məlumatına görə, bu barədə ABŞ Müdafiə Nazirliyinin mətbuat xidməti bildirib.
Məlumata əsasən, Kanadaya 14, Almaniyaya isə 3 anti-sualtı patrul təyyarəsinin alınması və çatdırılması, habelə müvafiq mühəndislik işlərinin görülməsi nəzərdə tutulur.
"P-8A Poseidon" təyyarəsi "Boeing 737-800" sərnişin təyyarəsi əsasında yaradılmış yeni nəsil sualtı patrul təyyarəsidir.