Bakı. Trend:
Cənubi Koreya və ABŞ hərbi pilotları bu həftə Qərb Sahili yaxınlığındakı sularda şərti uzaqmənzilli qanadlı raketlərə və artilleriyaya qarşı birgə atəş təlimləri keçiriblər.
Trend-in məlumatına görə, bu barədə "Yonhap" agentliyi Cənubi Koreya Hərbi Hava Qüvvələrinə istinadən bildirib.
Qeyd olunub ki, beş günlük təlimlər bazar ertəsi başlayıb. Təlimlərə 40-a yaxın təyyarə, o cümlədən Cənubi Koreyanın "F-35A", "F-15K" və "F-4E" qırıcıları, həmçinin ABŞ-ın ölkədə yerləşən 7-ci Hərbi Hava Qüvvələrinin "A-10" və "F-16" təyyarələri cəlb olunub.
Pilotlar “hava-hava” tipli raketlərlə aşağı hündürlükdə uçan şərti düşmənin qanadlı raketlərinə, eləcə də “hava-yer” raketlərindən istifadə etməklə uzaqmənzilli artilleriyaya qarşı dəqiq zərbələrin endirilməsi üzrə təlim keçiblər.