Bakı. Trend:
İsrail polisi Təl-Əvivdə hökumət əleyhinə etiraz aksiyası zamanı ictimai asayişi pozan 16 nümayişçini həbs edib.
Trend-in məlumatına görə, bu barədə "Ynet" portalı xəbər verib.
Məlumata əsasən, polis əməkdaşları şəhərdə nəqliyyatın hərəkətinə mane olduğu üçün iştirakçılarına hər biri 1 min şekel olmaqla doqquz cərimə yazıb.
Polisin mətbuat xidməti bildirib ki, Təl-Əvivdə etiraz aksiyası zamanı “iğtişaşlar başlayıb, onların iştirakçıları Ayalon şossesində [şəhərin şərqində] hər iki istiqamətdə hərəkəti dayandırmağa başlayıblar”. Bildirilib ki, iğtişaşları dağıtmaq üçün polis xüsusi avadanlığından istifadə edib, bundan sonra "Ayalon şossesi nəqliyyat üçün açılıb".