Bakı. Trend:
Çin-Qırğızıstan-Özbəkistan dəmir yolunun tikintisi bu il başlayacaq.
Trend xəbər verir ki, bu barədə Qırğız Respublikası Nazirlər Kabinetinin sədri Akılbek Japarov aqrosənaye forumunda bildirib.
Onun sözlərinə görə, dəmir yolunun tikintisi 8 milyard dollar olaraq dəyərləndirilir, lakin bu ilkin məbləğdir.
Dəmir yolunun tikintisinə başlamaq üçün bütün prosedurlar yekunlaşıb. Tikintinin bu il başlayacağı gözlənilir.
Hazırda layihənin texniki-iqtisadi əsaslandırılması yenilənməkdədir.
Qeyd edək ki, üç ölkə arasında Çin-Qırğızıstan-Özbəkistan dəmir yolunun tikinti layihəsi üzrə saziş 2022-ci ilin sentyabr ayında Özbəkistanın Səmərqənd şəhərində imzalanıb.
Layihənin reallaşdırılması Cənub dəhlizi vasitəsilə Çindən Avropaya və Fars körfəzi ölkələrinə yük daşımalarının coğrafiyasını genişləndirmək üçün əsas rolunu oynayacaq.