Bakı. Trend:
Kanada hakimiyyəti növbəti beş il ərzində Ukraynanı 1,6 milyard Kanada dolları (1,16 milyard dollar) dəyərində öldürücü və qeyri-öldürücü silahlarla təmin etmək niyyətindədir.
Trend-in məlumatına görə, bu barədə növbəti maliyyə ili (1 apreldən başlayır) üçün Kanadanın federal büdcə layihəsində qeyd olunub.
"2024-cü il büdcəsində Ukraynaya öldürücü və qeyri-öldürücü hərbi yardım göstərmək üçün 2024-25-ci illərdən başlayaraq beş il ərzində Kanada Milli Müdafiə Nazirliyinə 1,6 milyard dollar ayrılması təklif edilir", - deyə sənəddə bildirilib.
Bundan əlavə, Kanada hakimiyyəti 2024-cü ildə Beynəlxalq Valyuta Fondu (BVF) vasitəsilə Ukraynaya 2,4 milyard Kanada dolları (1,74 milyard dollar) məbləğində kredit vermək niyyətindədir.