Bakı. Trend:
Böyük Britaniyanın hüquq-mühafizə orqanlarının axtarışa verdiyi Eymi Betro adlı muzdlu qatil Ermənistanda saxlanılıb.
Trend xəbər verir ki, bu barədə Ermənistanın Daxili İşlər Nazirliyi məlumat yayıb.
Məlumata görə, 44 yaşlı killer qadın Kotay vilayətinin Proşyan kəndində saxlanılıb.
Eymi Böyük Britaniyada sifarişli qətldə və qanunsuz silah saxlamaqda ittiham olunur. Ermənistan Baş Prokurorluğu və Böyük Britaniya tərəfi qatilin saxlanılması barədə məlumatlandırılıb.