Bakı. Trend:
Fövqəladə vəziyyətdə olan Fukusima-1 AES-in ikinci enerji blokunda radioaktiv materiallarla çirklənmiş 25 ton su sızması baş verib.
Trend-in məlumatına görə, sızma ikinci reaktorun işlənmiş nüvə yanacağının soyudulması üçün hovuzdakı suyun miqdarını hesablamaq üçün istifadə edilən çəndə suyun səviyyəsinin azaldılmasından sonra aşkar edilib. Hovuzun özündə suyun səviyyəsi normaldır.
Reaktor binasına baxış keçirilərkən məlum olub ki, kanalizasiya sistemləri vasitəsilə zirzəmiyə 25 tona yaxın su daxil olub. Çöldə heç bir sızma aşkar edilmədi.
Yanacağın soyudulması üçün hovuza suyun vurulması dayandırılıb, lakin TEPCO-nun təmin etdiyi kimi, bu, yanacağın maksimal temperaturunu 65 dərəcə Selsi keçməsinə səbəb olmayacaq. Daha sonra daha ətraflı yoxlama üçün ikinci enerji blokunun binasına robot daxil ediləcək.