Bakı. Trend:
Vaşinqton administrasiyası Ukraynaya 725 milyon dollar dəyərində daha bir hərbi yardım paketi verməyə hazırlaşır.
Trend-in məlumatına görə, bu barədə "Reuters" agentliyi xəbər verib.
Onun ABŞ rəsmiləri arasından olan mənbəsinin sözlərinə görə, paketə tank əleyhinə silahlar, pilotsuz uçan aparatlar, minalar, “Stinger” insan daşına bilən hava hücumundan müdafiə sistemləri, HIMARS çoxsaylı buraxılış raket sistemləri üçün sursatlar daxildir. Silahlar Kiyevə ABŞ anbarlarından təhvil veriləcək.
Rusiya prezidenti Vladimir Putin vurğulayıb ki, Ukraynaya yeni silahların verilməsi cəbhədəki vəziyyəti dəyişməyəcək, əksinə, münaqişənin uzanmasına gətirib çıxaracaq.