Bakı. Trend:
Suriya hökumət qüvvələri Homs əyalətinin mərkəzi bölgəsində yerləşən Palmira şəhərindən geri çəkilib. Şəhərə “Azad Suriya Ordusu” adlandırılan silahlı qruplar daxil olub.
Trend xəbər verir ki, bu barədə Qətərin Əl-Cəzirə telekanalı məlumat yayıb.
Məlumata görə, silahlı qruplar ordunun istifadə etdiyi silah anbarlarını ələ keçiriblər. Bundan başqa, Əl-Cəzirə xəbər verir ki, yaraqlılar Homs əyalətinin cənubunda strateji əhəmiyyət daşıyan Cebel əl-Qurab ərazisinə nəzarəti ələ keçiriblər.
Bundan əvvəl Al Hadath telekanalı da bu ərazinin Azad Suriya Ordusunun nəzarətinə keçdiyini bildirmişdi.