Bakı. Trend:
Rusiyanın Vladikavkaz şəhərində Moskva şossesi üzərində yerləşən "Alaniya Mall" ticarət mərkəzində partlayış və yanğın baş verib.
Trend Rusiya KİV-ə istinadən xəbər verir ki, partlayış nəticəsində bir nəfər həlak olub, baş verən yanğın nəticəsində isə doqquz nəfər xəsarət alıb.
"Alaniya Mall" ticarət mərkəzində partlayış baş verib, ardınca yanğın başlayıb. Binanın şüşələri sınıb. Xəsarət alanlar var", - deyə məlumatda bildirib.
Qeyd edilib ki, yanğının sahəsi 800 kvadratmetr təşkil edir, üçüncü mərtəbə və dam yanır. Yanğına üçüncü çətinlik dərəcəsi verilib.