Bakı. Trend:
Rusiyaya bağlı Dağıstan Respublikasının paytaxtı Mahaçqalada Azizov küçəsi 25 ünvanında yerləşən yataqxanada yanğın baş verib.
Trend Rusiya KİV-ə istinadən xəbər verir ki, bu barədə Regionun Fövqəladə Hallar Nazirliyindən məlumat verilib.
Məlumata görə, yataqxananın dördüncü mərtəbəsində dörd otaq yanıb.
“Hazırda evakuasiya işləri aparılır. Yanğın 40 m² sahədə lokallaşdırılıb. Hadisə yerində fövqəladə hallar xidmətləri işlərini davam etdirir”, - məlumatda bildirilib.
Qeyd edilir ki, yanğınsöndürənlər gələnədək bir nəfər təsadüfi nəqliyyat vasitəsilə tibb müəssisəsinə çatdırılıb.