Bakı. Trend:
Sankt-Peterburqdakı Pulkovo hava limanı, qar yağışı səbəbindən müvəqqəti bağlandıqdan sonra, yenidən təyyarələrin qəbulu və buraxılışı üçün açılıb.
Trend xəbər verir ki, bu barədə hava limanının mətbuat xidməti özünün Telegram kanalında məlumat yayıb.
"Bütün əməliyyatlar bərpa olunub. Uçuş-enmə zolağının sürtünmə əmsalı normal həddədir. Sankt-Peterburq hava limanı reyslərə xidmət göstərməyə başlayır", - deyə açıqlamada bildirilir.
Qeyd edək ki, əlverişsiz hava şəraiti səbəbindən müvəqqəti bağlanma zamanı Sankt-Peterburqa eniş etməli olan 33 təyyarə alternativ aerodromlara yönləndirilib.
xxx
10:19
Sankt-Peterburqun Pulkovo hava limanı çətin hava şəraiti səbəbindən təyyarələrin qəbulu və göndərilməsini müvəqqəti olaraq dayandırıb.
Trend xəbər verir ki, bu barədə hava limanının mətbuat xidməti özünün Telegram kanalında məlumat yayıb.
“Pulkovo çətin hava şəraitində işləyir. Hazırda uçuş-enmə zolağının qardan təmizlənməsi üçün təyyarələrin qəbulu və göndərilməsi dayandırılıb,” – deyə məlumatda bildirilir.