Bakı. Trend:
Fövqəladə Hallar Nazirliyinin “112” qaynar telefon xəttinə Zəngilan rayonu Zəngilan-Mincivan yolunun 10-cu kilometrində irigövdəli ağacın aşaraq magistral yolu bağlaması barədə məlumat daxil olub.
Nazirliyin mətbuat xidmətindən Trend-ə bildirilib ki, məlumat əsasında dərhal FHN-in Dövlət Yanğından Mühafizə Xidməti Zəngilan rayon Yanğından Mühafizə Hissəsinin xilasediciləri hadisə yerinə cəlb olunublar.
Xilasedicilər aşmış ağacı xüsusi vasitələrlə hissələrə bölərək yoldan təmizləyib və magistral yolda nəqliyyatın sərbəst hərəkətini bərpa ediblər.