Bakı. Trend:
Şahdağda xizək alpinizmi üzrə Dünya Kuboku yarışları başa çatmaqdadır.
Trend-in məlumatına görə, yarışda 26 ölkədən komandalar iştirak edir.
Azərbaycanı Dünya kubokunda Nəzrin Qəribova və Seyid Sədrəddinov təmsil edirlər.
İştirakçılar əvvəlcə sprint, daha sonra şaquli yürüşdə mübarizə aparıblar. Bu gün isə qarışıq estafet yarışları keçiriləcək. Komandalar bir kişi və bir qadından ibarətdir və sprint yarışında növbə ilə çıxış edirlər.
Dünya kuboku 2026-cı il olimpiadası üçün seçmə xarakter daşıyır. Xizək alpinizmi ilk dəfə Qış oyunlarının proqramına daxil ediləcək.