Bakı. Trend:
Sumqayıtda dəm qazından zəhərlənən uşaqların ikisi evə buraxılıb.
Bu barədə Trend-ə TƏBİB-dən məlumat verilib.
Bildirilir ki, Sumqayıt Tibb Mərkəzinin Uşaq Xəstəxanasında müalicəsi davam etdirilən 2 nəfər ambulator müalicə üçün evə buraxılıb:
"Respublika Pediatriya Mərkəzinin nəzdindəki Ə.F.Qarayev adına Uşaq Klinik Xəstəxanasında müalicəsi davam etdirilən və meninqoensofalit diaqnozu təyin edilən 1 nəfərin vəziyyəti isə ağır stabil olaraq qalır".
Qeyd edək ki, aprelin 1-də Sumqayıt şəhəri, H.Z.Tağıyev qəsəbəsi
70 ünvanında yaşayan ailənin altı üzvü dəm qazından zəhərlənib. Dəm
qazından zəhərlənən altı uşaqdan biri aprelin 4-də xəstəxanada
ölüb.
Zəhərlənən uşaqların atası ölən övladının dəfni zamanı "TikTok"da
canlı yayım açıb. O, cənazə ilə canlı yayımı sosial şəbəkələrdə
yaydığı üçün uşaqlar dövlət qurumları tərəfindən nəzarətə
götürülüb.