Bakı. Trend:
“Air France” və KLM hava yolları şirkətləri müştərilər xidmət üçün nəzərdə tutulan platformalarının kiberhücuma məruz qaldığını və nəticədə virtual dələduzların naməlum sayda müştərinin məlumatlarına çıxış əldə etdiklərini bəyan ediblər.
Trend xəbər verir ki, bu barədə ölkənin yerli KİV-ləri məlumat yayıb.
Hər iki aviaşirkət vurğulayıb ki, hadisə aşkarlandıqdan dərhal sonra hakerlərin hücuma məruz qalmış sistemlərə çıxışını məhdudlaşdırmaq üçün tədbirlər görülüb. Aviaşirkətlərin daxili şəbəkələrinin kiberhücumdan zərər görmədiyi qeyd olunur.
Aviaşirkətlərin nümayəndələri müştərilərin maliyyə və şəxsi məlumatlarının təhlükəsizlikdə olduğunu təsdiqləyiblər. Aviaşirkətlər həmçinin, hadisə barədə öz ölkələrinin müvafiq qurumlarını məlumatlandırıb və hazırda məlumatları oğurlanmış müştəriləri bu barədə xəbərdar ediblər.