Azərbaycan, Bakı, 26 iyun /Trend/
Naxçıvan Muxtar Respublikası və İran arasında Araz sərhəd çayı üzərində tikilən körpü şənbə günü istismara verilib. Trend-in məlumatına görə, bu barədə İranın MEHR informasiya agentliyi məlumat verib.
Açılış mərasimində Azərbaycan və İranın yüksəkvəzifəli rəsmiləri iştirak ediblər.
"Dəyəri 4 milyon dollar olan 250 metrlik körpü iki dövlət arasında yük və sərnişin tranzitini asanlaşdıracaq", - agentlik qeyd edir.
Bundan başqa, Araz çayının suyundan istifadə üzrə layihənin birinci mərhələsi də işə salınıb.
Layihə regionda 2000 hektara yaxın əkin sahələrini su ilə təmin edəcək və 1500-ə yaxın iş yerinin yaradılmasına imkan verəcək.