Azərbaycan, Bakı, 25 iyun /Trend, müxbir Hüseyn Vəliyev/
I Avropa Oyunları Azərbaycanı dünyaya təqdim etmək üçün əla imkan oldu. Bunu Trend-ə Avropa Üzgüçülük Liqasının nümayəndəsi Simona Smurio Sçiavoni deyib.
O, Bakıda birinci dəfədir olduğunu bildirib: "Bura çox gözəldir, insanlar çox mehribandırlar. Bu barədə İtaliyada danışacağam".
Onun həmkarı Marko Birri qeyd edib ki, Azərbaycan idmançılar üçün əla şərait yaradıb: "Bir çox idmançılar əgər Olimpiya Oyunlarında iştirak etməsələr, daha belə şərait görməyəcəklər".