Azərbaycan, Bakı, 26 iyun /Trend, müxbir Hüseyn Vəliyev/
"Bakının idman infrastrukturu Olimpiya səviyyəsindədir". Bu barədə Trend-ə Danimarka komandasının üzvü Kris Desantis deyib.
O bildirib ki, Azərbaycanda idman obyektlərinə sərmayələr və hər şeyin Olimpiya səviyyəsində olacağı haqqında çox eşidib: "Və təəssüratlarım eşitdiklərimi təsdiqlədi".
K.Desantis I Avropa Oyunları çərçivəsində çalışdığı Su İdmanı Sarayının möhtəşəm və Olimpiya səviyyəsində olduğunu xüsusi qeyd edib: "Hovuz möhtəşəmdir, bütün beynəlxalq standartlara cavab verir. Burada məşq etmək üzgüçülər üçün əla təcrübədir".
O bildirib ki, gələcəkdə Bakıdakı başqa yarışlarda da iştirak etmək istərdi.